Каталікі святкуюць Унебаўшэсце Пана (Ушэсце). Што можна, што трэба рабіць у гэты дзень

У гэты дзень вернікі ўзгадваюць падзеі, якія адбыліся на саракавы дзень пасля Вялікадня.

Увесь каталіцкі свет 18 мая 2023 года адзначае свята Узнясення Гасподняга, або Унебаўшэсце Пана.

Евангелле сведчыць, што менавіта ў гэты дзень Ісус Хрыстос на Еляонскай гары, падняўшы рукі, благаславіў сваіх вучняў і распавёў пра тое, што неўзабаве на іх сыдзе Дух Святы.

Тады ж апосталы ў апошні раз бачылі на свае вочы Сына Божага, перш, чым ён у плоці ўзнёсся на неба. Пасля да вучняў з’явіліся два анёлы, якія прадраклі чалавецтву другое прышэсце Хрыста.

У каталіцкіх храмах Беларусі ўвечары традыцыйна пройдуць набажэнствы ў гонар вялікага свята Узнясення Гасподняга.

Па народных традыцыях, на Ушэсце гаспадыні пякуць пірагі з начынкай з зялёнага лука, а таксама вырабы з цеста ў выглядзе лесвіц, прыступкі якіх сімвалізуюць узыходжанне Сына Божага Ісуса Хрыста на неба.

Ушэсце Гасподняе заўсёды адзначаецца на 40-ы дзень пасля Вялікага Уваскрэсення Хрыстова. Праз дзесяць дзён пасля гэтага каталікі адсвяткуюць Пяцідзесятніцу (сыход Святога Духа), а яшчэ праз сем — Дзень Святой тройцы.

Што нельга рабіць у гэты дзень:

  • Выконваць працу па хаце ці ў агародзе.
  • Нельга капаць, сеяць, будаваць, шыць, праць.
  • Нельга сумаваць, думаць пра дрэннае, сварыцца з блізкімі, брыдкасловіць.
  • На Ушэсце Гасподняе нельга ладзіць вянчанне.

Напомним, что мощи итальянского святого нашли в костеле под Барановичами

Если вы стали свидетелем необычного явления или происшествия, вас волнует какая-то проблема, пишите и присылайте фото в наш телеграм-бот @bar24_bot

  • Мы в соцсетях